تأليف واخراج : Jwan lada3i
========================
الدلال : اي معلم شو طلبك
المشتري : اخي انا لازمني بيت كبير من 20 - 22 غرفة
الدلال : ياسيدي طلبك عندي .... شو رأيك بالوطن العربي .. تطلع نشوفوا
المشتري : قوم لنشوف
الدلال : شايف اطلالتوا شو ظريفة عم يطل ع تلات قارات ... تفضل تفضل ...يالله يالله ... تخبّوا يا حريم ... فوت اخي فوت
المشتري : شو وين الزلم
الدلال : ماعندنا زلم أخي !! شوف حبيبنا هي غرفة الضيوف .. هي صحيحي مأهرمة شوي .. بس تتظبط بس تخف رجل هالمبعوثين و الموفدين شوي
الدلال : وهاي غرفة النوم .. شايفها شو كبيرة
المشتري : هي كبيرة بس اللحف و الاغطية مأنشحين كأنوا
الدلال : انتا بس تعتمد بنجبلك أحلى غطا امريكي
..........
الدلال : المطبخ ما عليه حكي .. هون بقا كلشي قرارات عربية بتنطبخ ..
المشتري : يا حزرك شو هالطبخة اللي بالطنجرة ...شيش برك
الدلال : لا .. هاي طبخة تحرير فلسطين .. صارلها مطبوخة من 50 سنة وعلى حطة ايدك من وقتها ماحدا داقا
المشتري : المي و الكهربا
الدلال : المي منيحة .. عندك خطين ساخن دجلة و بارد فرات بس المشكلة التمديدات من عند الجيران فوق
المشتري : والكهربا
الدلال : الكهربا فيها مشكلة زغيرة .. رسم الفاتورة ما يجيك بفاتورة وحدة يعني بدك تدفع 22 فاتورة .. شنو مركبين لكل غرفة ساعة و عداد ..قلي شو رأيك
المشتري : والله هو البيت كبير و منيح بس حاسس انو مافي شي مشترك بالبيت
الدلال : ما هو حلاوتوا انو انو مافي شي مشترك ..يعني عندك 22 غرفة لكل غرفة مدخل بركدن اجتك شي وحدة هيك ولا هيك
المشتري : طيب .. طيب ماقلتلي ... هديك الغرفة المعتمة ما أرجيتني ياها
الدلال : اخي هديك الغرفة مالك مصلحة فيها صارلها مسكرة من 50 سنة ماحدا بيعرف شو قصتها ... اجار قديم , بيع , شري , سلبطة , ماحدا بيعرف بس المختار وعدنا يعطينا جزء من الضفة ..عفوا الغرفة و منافعها بس ناخدون بنعطيك ياهون ... تكرم عيونك ...بس عندك مشكلة صغيرة !
المشتري : شو هي
الدلال : المنافع بعيدة شوي عن الضفة ...شو قلت
المشتري : ؟!
المشتري : يا سيدي مافي مشكلة .. ببس عم فكر افتح الغرف على بعض
الدلال : غيرك كان اشطر
المشتري : وليش بقا
الدلال : لانو لكل غرفة نظام مستحيل يتطبق على نظام غرفة تانية ...
المشتري : اذا هيك ... ما بشتريه بفرنكين :: :
========================
الدلال : اي معلم شو طلبك
المشتري : اخي انا لازمني بيت كبير من 20 - 22 غرفة
الدلال : ياسيدي طلبك عندي .... شو رأيك بالوطن العربي .. تطلع نشوفوا
المشتري : قوم لنشوف
الدلال : شايف اطلالتوا شو ظريفة عم يطل ع تلات قارات ... تفضل تفضل ...يالله يالله ... تخبّوا يا حريم ... فوت اخي فوت
المشتري : شو وين الزلم
الدلال : ماعندنا زلم أخي !! شوف حبيبنا هي غرفة الضيوف .. هي صحيحي مأهرمة شوي .. بس تتظبط بس تخف رجل هالمبعوثين و الموفدين شوي
الدلال : وهاي غرفة النوم .. شايفها شو كبيرة
المشتري : هي كبيرة بس اللحف و الاغطية مأنشحين كأنوا
الدلال : انتا بس تعتمد بنجبلك أحلى غطا امريكي
..........
الدلال : المطبخ ما عليه حكي .. هون بقا كلشي قرارات عربية بتنطبخ ..
المشتري : يا حزرك شو هالطبخة اللي بالطنجرة ...شيش برك
الدلال : لا .. هاي طبخة تحرير فلسطين .. صارلها مطبوخة من 50 سنة وعلى حطة ايدك من وقتها ماحدا داقا
المشتري : المي و الكهربا
الدلال : المي منيحة .. عندك خطين ساخن دجلة و بارد فرات بس المشكلة التمديدات من عند الجيران فوق
المشتري : والكهربا
الدلال : الكهربا فيها مشكلة زغيرة .. رسم الفاتورة ما يجيك بفاتورة وحدة يعني بدك تدفع 22 فاتورة .. شنو مركبين لكل غرفة ساعة و عداد ..قلي شو رأيك
المشتري : والله هو البيت كبير و منيح بس حاسس انو مافي شي مشترك بالبيت
الدلال : ما هو حلاوتوا انو انو مافي شي مشترك ..يعني عندك 22 غرفة لكل غرفة مدخل بركدن اجتك شي وحدة هيك ولا هيك
المشتري : طيب .. طيب ماقلتلي ... هديك الغرفة المعتمة ما أرجيتني ياها
الدلال : اخي هديك الغرفة مالك مصلحة فيها صارلها مسكرة من 50 سنة ماحدا بيعرف شو قصتها ... اجار قديم , بيع , شري , سلبطة , ماحدا بيعرف بس المختار وعدنا يعطينا جزء من الضفة ..عفوا الغرفة و منافعها بس ناخدون بنعطيك ياهون ... تكرم عيونك ...بس عندك مشكلة صغيرة !
المشتري : شو هي
الدلال : المنافع بعيدة شوي عن الضفة ...شو قلت
المشتري : ؟!
المشتري : يا سيدي مافي مشكلة .. ببس عم فكر افتح الغرف على بعض
الدلال : غيرك كان اشطر
المشتري : وليش بقا
الدلال : لانو لكل غرفة نظام مستحيل يتطبق على نظام غرفة تانية ...
المشتري : اذا هيك ... ما بشتريه بفرنكين :: :