CONTROLLER

السلام عليكم و رحمة الله و بركاته
أهلا و سهلا بك معنا في موقع CONTROLLER نتمنى لك زيارة موفقة
CONTROLLER

اهلا بكم في منتدى CONTROLLER المنتدى الأشمل و الأفضل على الاطلاق / المدير العام : محمد شفيق بني مفرج


    كل المخطوبات ادخلوا ضروووووووووووووووووووووري

    شاطر
    avatar
    heba
    مشرفة قسم ركن المرأه: هبه heba

    انثى
    عدد الرسائل : 61
    الوظيفة : شغل الابره
    اعلام :
    اوسمة :
    الشهرة : 0
    تاريخ التسجيل : 22/03/2008

    كل المخطوبات ادخلوا ضروووووووووووووووووووووري

    مُساهمة من طرف heba في 15/6/2008, 20:55

    آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه..

    إلى مثوااااه الأخير في قفص النسانيس.. قصدي قفص الزوجية السعيد..


    أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز..

    المهم نصائحي لك عند أي عزومة مع ختيبك.. قلنا رقَّه ....


    1 - الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا


    2 - العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق..

    وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....


    3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها..

    زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك..

    بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة....


    .4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه.


    .5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..


    6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية..

    متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النص التاني..

    وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..


    7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا..

    وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..


    8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..


    9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....


    10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..

    أنا أودامي أسبوع.. هابطل أكل فيه..... وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..

    وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا
    avatar
    sura

    انثى
    عدد الرسائل : 152
    العمر : 23
    الوظيفة : طالبة
    الدولة : البحرين
    اعلام :
    الشهرة : 0
    تاريخ التسجيل : 28/04/2008

    رد: كل المخطوبات ادخلوا ضروووووووووووووووووووووري

    مُساهمة من طرف sura في 15/6/2008, 21:37

    هاي مش نصائح يا هبة هاي فلم

    abdullah
    نائب المدير / اداري

    ذكر
    عدد الرسائل : 495
    العمر : 37
    الوظيفة : student
    الدولة : الأردن
    اوسمة :
    الشهرة : 0
    تاريخ التسجيل : 06/03/2008

    رد: كل المخطوبات ادخلوا ضروووووووووووووووووووووري

    مُساهمة من طرف abdullah في 19/6/2008, 14:03

    ههههههههههههه
    حلوه منك يا هبه.
    بس في سؤال:
    موضوعك ذكرتيه في فترة الخطبه، طيب المسكينه شو بدها تعمل بعد الزواج؟؟؟
    لانو اذا ضلت هيك رح تموت من الجوع بعد اسبوع من الزواج و الزوج رح يروح بخبر كان ويرجع يدور على عروسه من جديد!!!!!!!


    _________________
    عبدالله العمري
    نائب المدير العام
    avatar
    heba
    مشرفة قسم ركن المرأه: هبه heba

    انثى
    عدد الرسائل : 61
    الوظيفة : شغل الابره
    اعلام :
    اوسمة :
    الشهرة : 0
    تاريخ التسجيل : 22/03/2008

    رد: كل المخطوبات ادخلوا ضروووووووووووووووووووووري

    مُساهمة من طرف heba في 19/6/2008, 23:05

    النصايح دي للخطوبه بس
    بعد الجواز تشمر وتاكل زي المفجوعه
    ماهو هيكون اتدبس بقي

    abdullah
    نائب المدير / اداري

    ذكر
    عدد الرسائل : 495
    العمر : 37
    الوظيفة : student
    الدولة : الأردن
    اوسمة :
    الشهرة : 0
    تاريخ التسجيل : 06/03/2008

    رد: كل المخطوبات ادخلوا ضروووووووووووووووووووووري

    مُساهمة من طرف abdullah في 19/6/2008, 23:12

    ان كيدكن عظيم!!!!!!!!!!


    _________________
    عبدالله العمري
    نائب المدير العام

      الوقت/التاريخ الآن هو 27/9/2017, 00:53